რეგულარული კლასები

ამ პრაქტიკაში ჰარმონიულად ერწყმის ერთმანეთს იოგას ყველა ის მომიჯნავე პრაქტიკა, ფსიქოტექნიკა და მოდუნებისა თუ კონცენტრაციის სავარჯიშო, რომლებიც თამთამ პირადად გამოსცადა საკუთარ თავზე. მრავალფეროვანი და დაბალანსებული პრაქტიკის მიზანია, დავუკავშირდეთ საკუთარ თავს დენადი გზებით.

ინდივიდუალური მიდგომა საუკეთესო საშუალებაა, გაიცნო შენი თავი სხვადასხვა სხეულებრივ ფორმაში, იყო „აქ და ახლა” და სიღრმისეულად შეიგრძნო ასანების სარგებელი როგორც ფიზიკურ, ასევევ მენტალურ დონეზე.

ინდივიდუალური მიდგომა მოვარჯიშეს უქმნის მეტ სივრცეს, დააკვირდეს საკუთარ თავს, შეგრძნებებს, სხეულში მიმდინარე ცვლილებებს ასანის შესრულებისას და შემდგომ, რაც გვიქმნის უსაფრთხო გარემოს ტრავმის თავიდან ასარიდებლად, იოგას პრაქტიკა უფრო სასიამოვნო, გამაჯანსაღებელი და შვების მომგვრელი ხდება.

ინდივიდუალური მიდგომა იოგაში გულისხმობს მოსწავლის თავისუფლებას ინსტრუქტორის მეთვალყურეობის პირობებში.
ესაა საუკეთესო გზა იმისთვის, რომ ჩაუღრმავდე საკუთარ სხეულს და დაიწყო მისი მოსმენა და გაგება.

ვასუს კლასები დინამიურობით გამოირჩევა და განკუთვნილია მათთვის, ვინც აქტიური და დაბალანსებული ცხოვრების წესს ირჩევენ. ვარჯიშის შემდეგ წარმოქმნილი შინაგანი სიმხურვალე და ენერგიის ნაკადი წმენდს და ხსნის ბლოკირებულ უბნებს სხეულში

ვასუს გაწელვებზე ორიენტირებული კლასები დაგეხმარებათ კუნთებისა და სახსრების მოქნილობის გაუმჯობესებასა და ძალის მომატებაში. სუნთქვითი სავარჯიშოები კი ამაღლებს ენერგიულობასა და აუმჯობესებს განწყობას, ასევე ხელს უწყობს გონების მოდუნებას.

ინ იოგა მედიტაციური და დაბალანსებული პრაქტიკაა მათთვის, ვისაც სურს, გაიუმჯობესოს მოქნილობა, ღრმად დაუკავშირდეს საკუთარ თავს და გათავისუფლდეს სტრესისა და დაძაბულობისგან. ესაა დღის საუკეთესო დასასრული, რომელსაც მოაქვს ღრმა განტვირთვა.

ტაი ჩი არის ჩინური საბრძოლო ხელოვნება, რომელიც ფოკუსირებულია ნელ მოძრაობებზე და სუნთქვის კონტროლზე. ტაი ჩი მშვენიერია სტრესის შესამცირებლად და ჯანმრთელობის გაუმჯობესებისთვის.

ციგუნი ორიენტირებულია ენერგიის მომატებასა და მართვაზე, სიმშვიდის, ბალანსისა და ბედნიერების განცდის მიღწევაზე. პრაქტიკის დროს საჭიროა მშვიდი და ნაზი მოძრაობები, ხშირი მედიტაციები, გონებრივი კონცენტრაცია და მუდმივი დაკვირვება შეგრძნებებზე.

პრაქტიკა ძირითადად მოიცავს აშთანგა ვინიასა იოგასა და კუნდალინი იოგას ბჰაჯანის სკოლიდან.
თუმცა გარდა ამ ორი მიმდინარეობისა, გაკვეთილებზე გამოიყენება იოგას სხვადასხვა მიმდინარეობის ტექნიკები, თერაპიული და სამკურნალო-გამაჯანსაღებელი ვარჯიშები.

კლასის მიზანია ამტანი და ძლიერი სხეულის ჩამოყალიბება, შრომისუნარიანობისა და პროდუქტიულიბის ამაღლება, სხეულის წონისა და ფორმების კორექცია. ძალისმიერი პოზების შესრულება შეგვმატებს გამძლეობასა და სტრესის მიმართ მდგრადობას.

"5რიტმი ჩემი ცხოვრების ისეთ ეტაპზე აღმოვაჩინე, როდესაც ძალიან მიჭირდა გრძნობების ვერბალურად გამოხატვა. მას შემდეგ ყოველ ჯერზე ვგრძნობ, როგორ მეხმარება ეს პრაქტიკა განსხეულებაში, განვითარებასა და სწავლაში. ჩვენს შეხვედრებზე შევეცდები, გაგიზიაროთ ის ხერხები, რომლებიც დამეხმარა ამ პროცესში."

ვინაის იოგასა და პილატესი კლასები გამოირჩევა ენერგიულობით, ძირითადი აქცენტი ვარჯიშის პროცესში მთლიანი სხეულის აქტიური ჩართულობა და კუნთების ღრმა გაწელვაა, რაც გვავსებს ენერგიით და გვეხმარება გარემოსთან ბალანსის მიღწევაში.